Oppdater kontaktinformasjonen din stad

Innbyggarane sine mobilnummer og e-postadresser vert samla i det nasjonale kontakt- og reservasjonsregisteret.

Fordelen med eit felles kontaktregister er at du som innbyggar ikkje treng å gi denne informasjonen til alle dei ulike offentlege verksemdene du er i kontakt med.
Det er du sjølv som oppdaterar kontaktinformasjonen, og du treng berre gjere det ein stad.
Du kan velje å registrere enten e-post eller mobilnummer, eller begge delar.

Kontaktregisteret vert brukt når du loggar inn med ID-porten til ulike offentlege tenester. Døme på dette kan vere utfylling av skattemeldinga, eller når stat og kommune treng å varsle deg elektronisk om vedtak eller annan viktig informasjon. Det er berre stat og kommune som kan bruke dette registeret. 

Kontaktregisteret kan innehalde mobilnummeret ditt og e-postadressa di, opplysningar om kva for digitale postkasse du har valt, språkval, og om du er reservert mot elektronisk kommunikasjon. 
 

Her kan du logge inn for å sjekke kva som er registrert på deg og oppdatere kontaktinformasjonen din